(Kabacan,
North Cotabato/August 16, 2012) ---Nangingitim at sumama ang pakiramdam ng
dalawa sa tatlong mga estudyante ng University of Southern Mindanao makaraang
dinala sa USM Hospital nitong Lunes matapos malason ng kinaing patel.
Sa
report, kinilala ang mga biktima na sina Chem Dumlao Oyagsan, 20, residente ng
brgy Bannawag, Jordan Ardanie, 17 residente ng bayan ng M’lang at ang isa pang
estudyante rin ng USM na di pa nakilala.
Sa
panayam ng DXVL sa kapitbahay ng biktima na si Mercedita Takeban, kumain umano
ang tatlong mga biktima ng patel sa isang kainan sa USM Avenue nitong Lunes
dahilan kung bakit nakaramdam ng pananakit sa tiyan ang mga ito.
Agad
namang nabigyan ng lunas ang mga ito kung kaya’t nakalabas na ng ospital ang
mga biktima kahapon.
Kaya
ang nais lamang ng mga magulang ng biktima na tiyakin ng mga gumagawa ng patel
o sa mga nagluluto ng pagkain partikular na sa mga carenderia na malinis at
ligtas ang kanilang ibinebenta.
Sa
panayam ngayong umaga kay Sanitation Officer Naga Sarip, Jr. magsasagawa sila
ng inspeksiyon sa lahat ng mga kainan sa bayan ng Kabacan partikular na sa mga
gumagawa ng patel matapos ang report na pagkakalason ng tatlong mga
estudyanteng kumain ng patel sa isang kainan sa USM Avenue. (Rhoderick Beñez)
0 comments:
Mag-post ng isang Komento