(Makilala, North Cotabato/May 22, 2012) ---Inilibing
na noon pang Huwebes ang magkapatid na Marlon at Randy Sulutan, kapwa mga
residente ng Barangay Cabilao, Makilala, na pinatay ng mga rebeldeng New
Peoples’ Army o NPA, noong a-13 ng Mayo.
Inilibing ang dalawa sa kanilang bukid sa
Barangay Cabilao.
Sinabi ni Armando Laman, kagawad ng
barangay, na tumulong ang Makilala LGU para sa pagpapalibing ng mga Sulutan
brothers.
Nagpaabot rin aniya, ng taos pusong
pakikiramay ang maraming mga lokal na opisyal ng probinsya.
Samantala, sa kabila ng paratang ng NPA na
sangkot sa iba’t ibang krimen ang magkapatid na Marlon at Randy, pinili ng
kanilang mga pamilya at kaanak na tumahimik na lamang.
Hindi rin malinaw sa report kung magsasampa
ng mga kaso kontra sa mga suspect ang pamilya ng mga pinatay.
Inako ng NPA na sila ang humatol ng
kamatayan sa dalawa sa pagsasabing sangkot ang mga ito sa dalawang kaso ng rape
with murder, attempted rape, motorcycle theft, robbery, at harassment.
0 comments:
Mag-post ng isang Komento