(Midsayap, North
Cotabato/May 24, 2012) ---Sa matagal na panahong hinintay ng mga residente ay
umabot na nga ang linya ng kuryente sa Barangay Kadingilan, isang malayong
komunidad na sakop ng bayan ng Midsayap, North Cotabato.
Ipinapaabot naman ni
Kadingilan Barangay Chairman Peng Lakiman ang pasasalamat nito sa gobyerno
dahil sa pagpapatupad ng elektripikasyon sa sa kanilang barangay.
Ayon sa district
office ni Cong Jesus Sacdalan, ang implementasyon ng proyektong ito ay
ipinapatupad ng Cotabato Electric Cooperative o COTELCO.
Ang inisyatibong ito
ay kaugnay parin sa Ilaw para sa Kapayapaan program na itinataguyod ng opisyal
sa kanyang distrito katulong ang iba’t- ibang sangay ng gobyerno kabilang ang
National Electrification Administration o NEA.
Isa ang barangay
Kadingilan sa naapektuhan ng kaguluhan ng lumipas na mga taon.
Sinisikap ng
pamahalaan na matulungan ang mga komunidad na nagsisimulang muli. Ito ay sa
pamamagitan ng pagpapa-abot ng mga proyekto tungo sa kapayapaan at kaunlaran.
(Roderick Bautista)
0 comments:
Mag-post ng isang Komento