Ilang mga guro ng USM at mga grupo ng Kabataan, tutol din sa gagawing concert ni Lady Gaga na magsisimula na ngayong gabi

(Kabacan, North Cotabato/May 21, 2012) ---Para kay USM College of Education guidance counselor Sonia Almazan, tutol ito sa gaganaping concert ni Lady Gaga, ang sikat na Pop singer mula sa Amerika na isasagawa na mamayang gabi dito sa Pilipinas.

Aniya, ang ipinapakita kasi ng Pop singer ay taliwas mismo sa kultura ng Pilipino partikular na ang kanyang mga pananamit at ang mga salitang ginagamit nito sa kanyang pag-awit.

Dagdag pa nito, na hindi umano magiging maganda ang impak nito para sa kanilang mga manonood partikular na ang mga bata.

Maging si Jennifer Cardo ng CEGP greater Cotabatao ay di umano sumasang-ayon sa nasabing concert ng Pop Singer.

Sinabi ni Cardo na ang mga Pilipino ay conservative at di umano nababagay na istilo ng kanyang concert dahil sa sobrang sexy daw umano nito at di magandang tularan partikular na sa mga batang manonood.

Ayon naman sa ilang mga kabataan, na sumusuporta sa concert ng singer, bahagi lamang umano ng expression of the arts ang ipapakitang concert ni Lady Gaga.

Payo naman ng ilan, sa mga tutol sa konsierto ng ainger ay wag nalang panoorin ito.

Samantala, wala umanong dapat ikabahala ang entourage ni Lady Gaga at mga fans na manonood sa kanyang concert mamayang gabi.

Si Lady Gaga ay nasa bansa para sa kanyang concert tour kungsaan dalawang gabi itong mag-peperform.

Kaugnay nito, hinimok ng ilang mga religious at civil groups ang gagawing concert ni US Pop Singer simula mamayang gabi at bukas.

Sinabi naman ni Atty. Romulo Macalintal na ang pagka-anti Christ ng ilang awitin ni Lady Gaga ang dahilan kung bakit tinututulan nila ang nasabing concert na gagawin sa SM Mall of Asia. (Rhoderick Beñez)