(Kidapawan City/ October 13, 2015) ---Bumagsak
sa kamay ng mga otoridad ang isang taxi driver makaraang mahulihan ng mga
illegal na droga sa inilatag sa highway check ng mga kapulisan sa National Highway
ng Kidapawan City alas 4:00 ng hapon kanina.
Kinilala ni P/SSupt. Alexander Tagum,
Provincial Director ng CPPO ang suspek na si Jose Mari Tang na taga-Marfori
Heights, Matina, Davao City.
Nakuha mula sa suspek ang higit isang kilo
ng tuyong dahon ng marijuana, isang sachet ng shabu, cash na abot sa P4,000, at
dalawang bala mula sa 9mm pistol.
Ayon sa ulat, galing ng bayan ng Pikit ang
taxi nang masita ng mga operatiba ng Kidapawan City PNP at mga enforcer ng
Traffic Management Unit (TMU) sa may Barangay Lanao, harap lamang ng Gaisano
Grand.
Bigo namang makapag-presinta ng mga
kaukulang dokumento ang suspek dahilan kung bakit pinigil ito.
Mabilis namang rumesponde ang mga kapulisan
bagay namang nagsitakas ang pasaherong sakay ng taxi na dalawang lalaki at
isang babae.
Nang siyasatin ang loob ng taxi doon na
narekober ang mga ipinagbabawal na droga.
Ang CEDE Taxi ay may license plate na AAM
8666.
Sa ngayon, naghihimas ng malamig na rehas
bakal ang suspek habang patuloy namang pinaghahanap ang tatlo pa nitong mga
kasamahan na sasampahan din ng kaso. Rhoderick
Beñez
0 comments:
Mag-post ng isang Komento