(Matalam, North Cotabato/ October 12, 2015)
---Nasamsam ng mga otoridad ang mga illegal drugs sa narekober na motorsiklo na
inabandona ng isang drug courier sa may panulukan ng kalye Langka, Purok Daisy,
Brgy. Marbel, Matalam, North Cotabato ala 1:30 ng hapon nitong Sabado.
Ayon sa report ng Matalam PNP inabandona ng
pinaniniwalaang drug courier ang minamaneho nitong sasakyan matapos na malaman
na may ikinasang highway check ang pinagsanib na pwersa ng Matalam PNP kasama
ang pwersa ng Cotabato Provincial Public Safety at ng sundalo sa National
Highway ng Matalam-Antipas road.
Sa halip na dumaan sa checkpoint, umiba ng
direksiyon ang suspek at tumalilis sa direksiyon papuntang brgy Estado.
Pero sa imbes na humarurot gamit ang
motorsiklo, kanya itong iniwan at tumakas.
Sa ginawang pagsisiyasat ng mga kapulisan
narekober sa compartment box ng motorsiklo nito ang isang kulay berde na sling
bag na naglalaman ng tatlong improvised totter na may mga residue ng illegal
drugs, 12 plastic medium size ng heat sealed sachet na naglalaman ng shabu at
iba pa.
Narekober din ang resibo ng nasabing
motorsiklo na nakapangalan kay Romela Occeña ng Purok Jose Rizal, Makilala,
Cotabato.
Agad namang dinala ang mga nasabat na
ebedensiya at ang motorsiklo sa himpilan ng Matalam PNP. Rhoderick Beñez
0 comments:
Mag-post ng isang Komento