Bago nagtungo sa Comelec Kabacan ay, nagkaroon muna ng maikling
programa ang line up ng opisyal sa ilalim ng Liberal Party kungsaan isa-isang
prenisinta ang mga tatakbong konsehal sa ilalim ng kanyang partido political.
Kasama ni Mayor Guzman ang kanyang running mate sa pagka-vice
Mayor na si incumbent vice Mayor Myra Dulay Bade.
Suportado naman ang alkalde ng kanyang may bahay na si Gelyn Pascua
Guzman kungsaan namataan ito sa municipal gym.
Kabilang naman sa mga tatakbong konsehal sa ilalim ng partidong
Liberal ay sina incumbent councilor Rhosman Mamaluba, Reyman Saldivar, George
Manuel, Herlo Guzman Sr. at si ABC Pres. Kapitan Raymundo Gracia, Romeo
Mantawil, Manny Pedtamanan, Datuan Macalipat.
Mismong si councilor Jonathan Tabara ang nagpakilala sa mga
kandidato kungsaan tatakbo naman si Tabara bilang Board Member ng 3rd
district.
Nag-alay naman ng panalangin at nagbigay ng salita ng Diyos si
Pastor Josue Solomon sa mga official kungsaan gi-pray over ang mga ito.
Halos lahat naman ng Barangay opisyal ay nagtungo sa nasabing
programa kahapon ng umaga, na ayon pa sa alkalde ay pagpapakita ito ng suporta
na ituloy ang ikalawang termino ng Unlad Kabacan Team.
Bago naman nag hain ng COC ang mga nasabing opisyal ay isinagawa
muna ang turn-over ng isang unit ng tractor na ibinigay ng Department of
Agriculture sa bayan ng Kabacan kungsaan iti-nurn-over ito ni Mayor Guzman sa
Kapitan ng Bgry. Nangaan.
Samantala sa kaugnay na balita, naghain din kahapon ng kanilang
kandidatura sina Arnal Bualan Buday na tatakbong konsehal, Bonnie Kalantongan,
Mohalidin Saib, Toto Laguilaot.
Kahapon ng umaga ay tumungo din sa Comelec Office ng Kabacan si
Incumbent councilor Ayesha Quilban upang mag-file ng kanyang COC para sa
ikalawang termino sa pagka-konsehal.
Bagama’t nakapag-file na ng kanyang COC si Datu Masla Mantawil,
hindi muna inilabas sa media ng kanyang staff kung anung posisyon ang kanyang
tatakbuhan.
Samantala, naghain din ng kanyang COC pasado alas 8:00 ng umaga si
LMT Jabib Guiabar na tatakbo naman bilang Board member sa ikatlong distrito ng
lalawigan.
Sa isang programa sa 8th Avenue, ipinahayag ng opisyal
ang kanyang layunin kung bakit ito tatakbo sa nasabing posisyon.
Ito upang maibahagi nito ang kanyang mga nalalaman kaugnay sa
usapang pangkapayapaan, edukasiyon at iba pa. Rhoderick Beñez
0 comments:
Mag-post ng isang Komento