(Kabacan,
North Cotabato/ October 13, 2015) ---Isang bangkay ng batang lalake ang natagpuan
sa isang ilog sa barangay Talapas, Datu Montawal, Maguindanao kahapon ng hapon.
Ayon
kay PO1 Ramil Dilawangen Montawal, imbestigador ng Datu Montawal PNP, dakong
alas 4 ng hapon kahapon nang matagpuan ng mga residente sa lugar ang naturang
bangkay at inireport ito sa pulis.
Ang
bangkay ayon kay Montawal ay isang batang lalake, nasa lima hanggang 6 na taong
gulang, nakasuot ng itim na shorts at walang damit. Wala namang residente sa
lugar ang nakakakilala sa bangkay kaya
posible umanong inanod na lamang ito ng tubig.
Posible
umanong nalunod ang biktima sa ilog dahil nang siyasatin ng pulisya ang katawan
ng biktima wala ni anomang sugat o tama ng baril ito sa katawan .
Panawagan ni Montawal sa lahat na kung sino
man ang ang nawawalan ng batang lalaking kamag anak, ay bisitihin at tignan ang
biktima na kasalukuyang nakaburol sa
villa funeral parlor sa bayan ng kabacan o maaring makipag ugnayan sa Datu
Montawal hotline number 09168929062.
Samantala sa bayan ng Carmen, North
Cotabato, isa ring bangkay ng binata angnakita sa gilid ng daan, partikular sa
may rubber plantation papuntang pulangi river sa may bahagi ng Purok 14, Brgy.
Poblacion, Carmen, North Cotabato alas pasado alas 5:00 ng umaga kahapon.
Sa report ng Carmen PNP kinilala ang biktima
na si Nickie Pandita Sinagay, 19-anyos, isang obrero at residente ng nabanggit
na lugar.
Ayon sa ulat isang taga Purok 14 ang
nakakita sa biktima na nakahandusay sa gilid ng rubber plantation.
Patuloy pang inaalam ngayon ng mga kapulisan
kung anu ang dahilan ng pagkamatay ng biktima. Brex Nicolas
0 comments:
Mag-post ng isang Komento