AMAS,
Kidapawan City (Oct
11) – Abot sa P13.7M ang halaga ng Kidapawan City Hospital expansion at water
treatment facility project ang pormal na binuksan at pinasinayaan ni Gov
Emmylou “Lala” J. Taliño-Mendoza kasama si Dept of Health 12 Regional Director Teogenes
F. Baluma noong Oct 9, 2015.
Nakapaloob sa expansion project ang pagpapalawak
ng gusali nito kabilang na ang bagong Out-Patient Department o OPD ng naturang
hospital.
Pinondohan ng DOH ng abot sa P10M ang
proyekto (P5M para sa building at P2M para sa OPD) habang sinagot naman ng
Kidapawan City LGU ang P3.7M bilang counterpart.
Ayon kay Gov Taliño-Mendoza, lubhang
mahalaga ang expansion project na ito dahil sa lumalaking bilang ng mga
nagpapagamot o mga pasyente ng Kidapawan City Hospital kung saan ay mas
mapapahusay pa ang serbisyo sa mamamayan.
Kasama ng gobernadora sa turnover sina 2nd
District of Cot Board Members Airene Claire Pagal at Noel Baynosa at Integrated
Provincial Health Office o IPHO Head Dr. Eva Rabaya.
Ayon naman kay Dir. Baluma, natutuwa ang DOH
sa mahusay na partnership ng Provincial Government of Cot at ng health
department na nagreresulta sa kapaki-pakinabang na mga health projects.
Nanguna naman sa hanay ng Kidapawan City LGU
si Mayor Joseph A. Evangelista kasama ang mga City Councilors na sina Judith
Navarra, Peter Salac at Francis Palmones at Kidapawan City Health Officer
Jocelyn Incienzo.
Ayon kay Dr. Incienzo, malaking tulong sa
kanila ang proyeto partikular sa
pagbibigay ng serbiyong medikal at pangkalusugan sa mamamayan ng
Kidapawan City at kalapit na mga lugar. (JIMMY
STA. CRUZ-PGO Media Center)
0 comments:
Mag-post ng isang Komento