(Kabacan, North Cotabato/ October 14, 2015)
---Pormal ng nagdeklara ng kanyang kadidatura bilang board member aspirant ng
ikatlong distrito ng North Cotabato si Local Monitoring Team chair Jabib
Guiabar.
Mismong sa himpilan ng DXVL-Radyo ng Bayan
nag-anunsiyo noong Martes (October 13) ng kanyang intensiyon na tumakbo sa
nasabing posisyon para sa 2016 na halalan si Guiabar.
Aniya, marami umanong mga konsultasiyon ang
ginawa ng kanyang mga taga-suporta kasama na ang kanyang mga pamilya na
nag-kumbinsi sa kanya na sumabak uli sa pulitika.
Sa ngayon ay wala pang partido political ang
opisyal at maghahain ito ng kanyang kandidatura bilang independent sa Biyernes,
October 16.
Sakali mang mailuklok bilang kasapi ng
Sangguniang Panlalawigan, kanyang ibabahagi ang mga kaalaman may kaugnayan sa
peace and order, edukasiyon, agrikultura at imprastraktura.
Giit nito, na kahit hindi pa man siya
humahawak ng katungkulan sa pamahalaan ay patuloy ang kanyang pag-suporta sa
pamunuan ni Cotabato Gov. Lala Taliño Mendoza at maging kay Kabacan Mayor Herlo
Guzman Jr.
Siyam na taon din itong naglingkod bilang
konsehal sa bayan ng Kabacan.
0 comments:
Mag-post ng isang Komento