(Pres. Roxas, North Cotabato/ June 9, 2015)
---Patay sa panibagong insidente ng pamamaril ang sinasabing dating kasapi ng
New People’s Army o NPA sa naganap na pamamaril
sa Purok 3, Brgy. Labu-o, Pres. Roxas, North Cotabato mag-aalas 6:00 ng
gabi nitong Sabado.
Sa panayam ng DXVL News kay PSI Romy Castañeres,
hepe ng Pres. Roxas PNP kinilala nito ang biktima na si Larry Embac, 49-anyos,
may asawa, magsasaka at residente ng nasabing lugar.
Lumalabas sa report, na habang naka-upo
lamang sa isang waiting shade ang biktima, limang mga di pa nakilalang mga armadong
suspek lulan ng dalawang motorsiklo na walang plaka ang biglang tumambad sa
harapan nito.
Dala ng mga salarin ang isang M-16 rifle na
binalot sa sako at mga short firearms.
Nang mapansin ni Embac ang presensiya ng
naturang mga suspek, agad na tumakbo ito at pumasok sa bahay ng isang Emma Pan
Villasor pero sinundan at pwersahang inilabas ng isa sa mga suspek.
Pagkalabas ng bahay, nagawa pa ng biktima na
tumakas dahilan kung bakit dalawa sa mga suspek ang nagpaputok ng ilang beses
sa kanya.
Nagtamo ang biktima ng iba’t-ibang tama ng bala sa iba’t-ibang parte
ng kanyang katawan na naging dahilan ng agaran nitong kamatayan.
Narekober sa pinangyarihan ng insidente ang
14 na empty shells na kinabibilangan ng pitong empty shell ng 9mm pistol, 7
empty shells ng .45 na pistol at iba pa.
Napag-alaman pa na ang mga suspek na
responsable sa nasabing krimen ay tumakas sa bahagi ng Sitio Sumakwelan ng
nasabing lugar habang sumisigaw na mga miyembro sila ng makakaliwang grupo na
NPA.
Sinabi naman sa DXVL News ni Castañeres, na
personal grudge ang isa sa mga anggulong sinusundan nila sa nasabing insidente.
Rhoderick Beñez
0 comments:
Mag-post ng isang Komento