Mahigit 60 na mga magsasaka sa North Cotabato, benepisyaryo ng Animal Dispersal ng OPVet

(North Cotabato/ June 11, 2015) ---Nasa 69 na mga magsasaka mula sa mga bayan ng Arakan, Antipas at Pres. Roxas sa North Cotabatol nagging benepisyaryo ng mga livestock mula sa Animal Dispersal Program ng Office of the Provincial Veterinarian o OPVet.

Ayon kay Provincial Veterinarian Dr. Rufino Sorupia, abot sa sampung mga benepisyaryo ang nakatanggap ng alagang baboy, 20 ang tumanggap ng 52 kambing at 34 naman na mga baka ang naipamahagi sa Antipas.

Habang siyam na mga benepisyaryo ang tumanggap ng 23 kambing at tatlong baka sa Pres. Roxas at tatlong magsasaka naman sa Barangay Badiangon at Doruluman, Arakan ang nakakuha ng tatlong baka.

Sinabi ni Sorupia na ang mga benepisyaryo ay pinili sa pamamagitan ng screening at validation na isinagawa ng mga staff ng OPVet.

Naniniwala rin ang opisyal na ang mga hayop ay malaking tulong sa mga magsasaka upang makapagsimula ng kanilang hanapbuhay sa larangan ng pag aalaga ng mga hayop. (Cotabato PGO Media Center)