(Aleosan, North Cotabato/ June 9, 2015) ---Isang
improvised explosive device o IED ang natagpuan sa bakanteng farm lot ni dating
Board Member Celestino Rapacon Jr. sa Purok Lomboy, Brgy. New Leon, Aleosan,
North Cotabato 2:30 kamakalawa ng hapon.
Sa panayam ng DXVL news kay PSI Arnel
Melocotenes, hepe ng Aleosan PNP, inihayag nitong ang naturang IED ay nakalagay
sa loob ng isang upuan ng motorsiklo na gawa sa GI plain sheet.
Ipinaliwanag din ng opisyal na sa
pagsisiyasat ng 302nd EOD team sa pangunguna ni SSG Alfredo Daquil Jr. na naka
base sa Midsayap ay nakakuha sila ng 4 pieces ng 60 MM mortar na may detonating
cord,improvised explosive blasting cup, cast TNT steels balls, bolts at nuts.
Dagdag pa ng opisyal na wala umanong
triggering device ang naturang suspected IED.
Samantala dalawa ang tinitingnang anggulo ng
Aleosan PNP sa motibo ng pagkaka rekober ng IED.
Hindi naman kinompirma ni PSI Melocotones
ang report na may pagawaan umano ng IED ang kanyang nasasakupang lugar. Aniya,
patuloy pa nilang biniberipika ang naturang report. Ma. Christine Limos
0 comments:
Mag-post ng isang Komento