(Pikit, North Cotabato/ June 11, 2015)
---Kasalukuyan ngayong nagpapagaling sa isang bahay pagamutan ang isang
security guard matapos pagbabarilin ng di pa kilalang salarin sa Public Market
ng bayan ng Pikit, Cotabato akas 6:45 ng umaga kahapon.
Kinilala ni PI Sindatu Karim ang
biktima na isang Jesilito Yakap, 28 anyos, isang Security Guard sa isang
business establishment sa bayan.
Sa inisyal na imbestigasyon,
namamalengke lamang umano sa gulayan ng nasabing pamilihan ang biktima nang
bigla na lamang pagbabarilin ng di pa kilalang suspek.
Tinamaan ang biktima sa kanyang
dibdib at tumagos pa sa kanyang likod ang bala mula sa di pa matukoy na uri ng
baril.
Agad isinugod sa pinakamalapit na
bahay pagamutan ang biktima upang mabigyan ng agarang lunas.
Sa ngayon nasa maayos na umanong
kalagayan ang biktima habang hinihintay nilang mahingan ito ng testimoya.
May posibilidad kasi umano na
natandaan ng biktima ang pagmumukha ng bumaril sa kanya.
Sa ngayon ay patuloy pang
iniimbestigahan ng Pikit PNP ang
nasabing insidente. Mark Anthony Pispis
0 comments:
Mag-post ng isang Komento