Maliban sa Luya, Presyo ng kamatis sa pamilihang bayan ng Kabacan, tumaas din

(Kabacan, North Cotabato/ June 11, 2015) ---Sumipa ng halos P10 ang presyo ng kamatis sa Kabacan Public Market simula kahapon.

Ito ayon kay Ginang Lolita Flores, isa sa mga tinder ng gulayan sa Kabacan Public Market sa panayam ng DXVL News team.

Anya, mula sa P40 ay mabibili na sa P50 ang kamatis kada kilo.

Bukod sa kamatis ay nanatiling paring mataas ang presyo ng luya na mabibili sa P250 kada kilo ayon pa kay Ginang Flores.

Samantala, wala namang naitalng pagtaas ng presyo ng iba pang mga rekado at mga gulay sa kabacan Public market.

Mabibili parin ang repolyo sa P70-P80 kada kilo habang ang sayote naman ay mabibili sa P10 kada piraso, ang bawang ay mabibili parin sa P100 kada kilo, ang sibuyas sa P65 kada kilo, ang radish na P60 kada kilo at ang Kentucky na mabibili sa P50-P60 kada kilo. Mark Anthony Pispis