(Kabacan, North Cotabato/ June 19, 2015) ---Pormal
ng pinirmahan nina Mr. Rodolfo Mapanao, Sr. ang Donor at Hon. Mayor Herlo P.
Guzman, Jr., ang donee at ang representante ng Lokal na Pamahalaan ng Kabacan,
ang Doc. No. 297, Page No. 60 Book 11 na Deed of Donation na pinagtibay naman
ni Atty. Teresa Gagabe-Natividad kahapon ng umaga.
Ayon sa report ni Information Officer Sarrah
Jane Corpuz Guerrero ang nasabing formal signing ay sinaksihan ni Barangay
Poblacion Kagawad Edna Macaya at Mr. Norman Reynaldo R. Mapanao, apo ng Donor.
Si Mr. Rodolfo Mapanao, Sr. ay ang legal na
may-ari ng lupang may sukat na One thousand, one hundred sixty-four square
meters na ibinigay nito sa Pamahalaan ng Kabacan na gagamitin upang mas lalo
pang mapalawak ang dinadaanan ng mga estudyante at residenteng nakatira sa
Sinamar 1.
Ayon naman kay Mayor Guzman, isa itong
napakalaking tulong sa Pamahalaang Lokal ng Kabacan sa pagpapalawig pa ng
kaunlaran sa bayan.
Kanya ring ipinapaabot ang kanyang taos
pusong pasasalamat sa pamilyang Mapanao sa kanilang kagandahang loob sa bayan
ng Kabacan.
Aniya, isa umano itong legacy ng pamilya sa
taong bayan, kaya naman ayon kay Vice-Mayor Myra Dulay-Bade ipapanukala nila sa
Sangguniang Bayan ang bagong “Sinamar 1- Rodolfo Mapanao, Sr. St” na pangalan
na siyang papalit sa Sinamar 1 bilang
pasasalamat sa pamilyang Mapanao. DXVL News
0 comments:
Mag-post ng isang Komento