Ilang mga mamamayan ng bayan ng Matalam, Carmen at Kabacan, nakinabang sa Serbisyong Totoo Animal Dispersal Program ng PGCot

Photo: DXVL News

(Kabacan, North Cotabato/ June 19, 2015) ---Abot sa 29 na mga baka at kalabaw ang naipamahagi sa ilang mga mamamayan mula sa bayan ng Matalam, Carmen at Kabacan mula sa programang sa Serbisyong Totoo Animal Dispersal Program ng PGNCot na ginanap sa bayan ng Kabacan Municipal Compound kahapon.

Ayon kay North Cotabato Provincial Veterinarian Dr. Rufino Suropia sa panayam ng DXVL News, 5 mula sa mga ito mula sa bayan Carmen, 14 na mga taga Matalam at 10 sa Kabacan.

Mismong si Gov. Lala Taliño Mendoza ang sumaksi ang isinagawang ceremonial turn-over sa mga benepisyaryo.

Dr. Rufino Sorupia, OPVet

10 sa mga ito ay mga kalabaw at 19 na mga baka dagdag pa ng opisyal.

Inihayag din ng opisyal na lahat ng benepisyaryo ng nasabing programa ay may kaakibat na obligasyon.

Ito ay ang alagaan ang mga hayop at ang unang anak na lalaki o babae na aabot sa 8-10 buwang gulang ay ibabalik sa Provincial Government.

Isa umano ito sa mga livelihood projects ng PGNCot sa pangunguna ni Gov. Lala Taliño Mendoza sa pagkat ang mga susunod na magiging anak ng mga mga hayop na ito ay mapupunta na mga benepisyaryo.

Nanawagan rin ang opisyal sa mga mamamayan ng lalawigan na kung sino man ang nagnanais na makatanggap at maka-avail sa nasabing programa ng Provincial Government ay sumulat lamang sa Governors Office at i-address ito kay Gov. Lala.

Pumili lamang umano kung anong hayop ba ang gusto nilang alagaan, kung ito ba ay, baka, kalabaw, kambing o baboy. Rhoderick Beñez\ Philip Mark Anthony Pispis