 |
| Photo: FB Malacañang |
(Simuay, Sultan Kudarat, Maguindanao/ June
17, 2015) ---Ini-isa ni Pangulong Benigno Aquino III ang mga dahilan kung bakit
nagkaroon ng kaguluhan sa Mindanao sa kanyang pambungad na pananalita matapos
isagawa ang unang bahagi ng pagbababa ng armas ng Moro Islamic Liberation Front
sa Old Capitol ng Maguindanao sa Crossing Simuay, Sultan Kudarat, Maguindanao
kahapon.
Ayon sa pangulo, kung ang pang-aabuso sa
batas ang ugat ng problema, dapat na batas na kumikilala sa karapatan at
kultura ng mga kapatid na muslim ang maging solusyon.
Samantala, may patutsada naman ang punong
ehekutibo sa mga mambabatas na umano'y nagpapatagal sa pagkakapasa ng
Bangsamoro Basic Law (BBL).
Sinabi ng Pangulong Aquino, kinikilala
nitong seryosong commitment ng MILF sa kapayapaan ang pag-turn-over ng mga
armas kahit hindi pa naipapasa ang BBL.
Kaugnay nito, iginiit ni MILF chairman Al
Haj Murad Ibrahim na hindi kahinaan ang kanilang pagpayag sa decommissioning
kahit hindi pa naipapasa ang Bangsamoro Basic Law (BBL).
Aniya, sagisag ito ng kanilang katapatan sa
kanilang isinusulong na kapayapaan sa Mindanao.
Binigyang diin pa ng Chairman na hindi ang
armas at mga armadong grupo ang kanilang lakas kundi galing ito sa kanilang
sariling puso at pagmamahal ng mga Bangsamoro.
Bumwelta naman si Murad sa ilang sector
kasama na ang media na bumabatikos sa kanila. Rhoderick Beñez
0 comments:
Mag-post ng isang Komento