(Kabacan, North
Cotabato/ June 15, 2015) ---Labis ang pasasalamat ng mga Purok Officials ng
Plang Village III sa Brgy. Poblacion Council matapos na nangako itong maglalaan
ng pondo upang gawing basketball court sa nasabing lugar sa nanganap na 5th
Purok Fiesta ng nasabing purok kamakalawa.
Ayon kay Brgy.
Poblacion ng bayan ng Kabacan Kapitan Mike Remulta na siyang naging panauhing
pandangal sa nasabing selebrasyon, kanya umanong sisiguradohin na mapaglalaanan
ng pondo ang nasabing proyekto sa gaganaping Annual Planning and Budgeting
ngayong taon.
Anya ito umano ay
alinsunod sa kanyang kampanya laban sa illegal na druga at maituon ang
atensiyon ng mga kabataan sa nasabing lugar sa sports.
Laking pasasalamat
naman ng mga Purok Officials ng Plang Village III sa pangunguna ni Purok
President Olarico Lavalle Jr. sa proyektong ilalaan sa kanila ng Brgy. Kapitan.
P100,000 umano ang
ilalaang pondo ng Punong Barangay sa purok at ang mga purok officials na ang
magdadagdag sa mga kukulanging halaga.
Ibinida rin ni
Kapitan Remulta ang kanyang mga ginagawang hakbang para sa pagpapanatili ng
kaayusan sa kanyang nasasakupan lalo na 24/7 na pagroronda ng mga BPAT ng
barangay upang masiguro ang kaligtasan ng kanyang mga mamamayan.
Ang Plang Village
III ng Brgy. Poblacion ay kinabibilangan ng mga kabahayan na nakatayo sa
bisinidad ng USM Compoud.
0 comments:
Mag-post ng isang Komento