(Pikit, North Cotabato/ June 19, 2015) ---Dapat
umanong managot ang contractor ng pader na gumuho sa Pikit Central Elementary
School (PCES) sa bayan ng Pikit, Cotabato na ikinasugat ng tatlong mga
estudyante alas 6:30 ng umaga kahapon.
Ito ayon kay Pikit Municipal Disaster Risk
Reduction and Management Council Head Tahira Kalantungan sa panayam ng DXVL
News Radyo ng Bayan.
Kinilala nito ang mga nasugatang mga biktima
na sina Al Bashir Dagulos, Norhan Dematingkay at Abdullah Jiasim lahat mga
grade five pupils ng Pikit Central Elementary School (PCES).
Ayon sa opisyal, habang nasa labas pa ng
paaralan ang mga bata dahil sa hindi pa nagsimula ang kanilang flag ceremony
may isang sasakyan na dumaan malapit na pader na natumba dahilan kung bakit
nagsipagtinginan ang mga estudyante.
Umakyat sa pader ang mga bata at hindi alam
na sub-standard ang pagkakagawa ng pader.
Nadaganan ang mga ito at tatlo sa kanila ang
nasugatan na agad na dinala sa pinakamapalit na bahay pagamutan.
Tatlong span ng pader ang gumuho na donated
ng PTCA.
Dahil dito, nakatakdang magpulong ngayong
araw ang mga guro, magulang at LGU ng Pikit sa nasabing paaralan, upang masagot
bakit ganun na lamang ka sub-standard ang pagkakagawa ng pader. Rhoderick Beñez
0 comments:
Mag-post ng isang Komento