Pagkakalusot sa House Ad Hoc Committee ng BBL, ikinagalak ng miyembro ng Sangguniang Panlalawigan ng North Cotabato

BM Kelly Antao

Christine Limos

(Kabacan, North Cotabato/ May 21, 2015) ---Ikinagagalak ng Provincial Government of North Cotabato ang paglusot ng Bangsamoro Basic Law o BBL sa House Ad hoc Committee.

Ayon kay North Cotabato 1^st District Board Member Kelly Antao sa panayam ng DXVL News, mas marami umano sa mga lideres sa lalawigan na naniniwalang ang BBL ang magiging daan at susi tungo sa matagal nang minimithing kapayaan.

Anya sila rin ay nagagalak sa nangyaring botohan ng Ad Hoc Committee.

Dagdag pa ng opisyal na kung sakaling mapirpirmahan ng pangulo ng Pilipinas ang BBL ay tuluyan ng magiging batas ito.

Pagkatapos nito ay muling dadaan sa plebisito ang 39 na mga barangay mula sa lalawigan ng North Cotabato kung papayag ba silang magiging bahagi sila ng Bangsamoro Territory kagaya ng nangyaring plebisito noong taong 2001 na kung saan ay pumayag din ang nasabing mga barangay na magiging bahagi ng Autonomous in Muslim Mindanao o ARMM.

Nabatid mula sa opisyal na 36 mula sa 39 na mga barangay sa lalawigan ay buhat sa 1^st District at 3 naman mula rito ang mula sa ikatlong distrito.

Samantala sa kaugnay na balita, malaki naman ang paniniwala ng opisyal na maiipasa ang BBL.

Anya, pagkatapos umano nang nasabing botohan sa Ad Hoc Committee ay susunod naman na boboto kung papabor ba sa BBL ang lahat ng mga kongresista sa sa buong bansa.

Nagbigay din nang pahayag ang opisyal hinggil sa mga haka haka kung sakali mang maipapasa na ang nasabing batas sa Bangsamoro Basic Law.

Nirerespito niya umano ang pananaw ng bawat isa hinggil sa nasabing usapin, subalit malaki ang kanyang paniniwalang ang nasabing Bangsamoro Government ay magiging katuwang ng National Government sa pagsugpo ng karahasan sa magiging sakop nito na siyang magiging daan tungo sa matagal nang minimithing kapayapaan sa Mindanao.