By:
Sarrah Jane Corpuz Guerrero
(Kabacan, North Cotabato/May 17,
2015) ---Sa isang pahinang liham na ipinadala ng Cotabato Electric Cooperative,
Inc (COTECLO) sa tanggapan ni Hon. Mayor Herlo P. Guzman, Jr na natanggap, May 14, 2015,
naninidigan ang pamunuan ng COTELCO na ibabalik lamang ang koneksyon ng
kuryente sa mga streetlights sa barangay Poblacion kung ang Five Hundred Eighty
One Thousand Seven Hundred Eighty Two and sixteen pesos ay mababayaran ng LGU
Kabacan.
Matatandaan na humiling si Mayor Herlo P. Guzman, jr. sa pamunuan ng
Cotelco sa pamamagitan ng kanyang liham na pinadala noong April 7, 2015, na
ibalik ang nasabing kuryente sa mga streetlights para na rin sa kapakanan ng
mga tao lalo pa at naghihigpit ngayon ang Pamahalaang Lokal sa seguridad ng
Kabacan.
Ayon pa sa liham na pirmado ni Engr.
Godofredo B. Homez ang General Manager ng COTELCO, sa kagustuhan nilang
makolekta ang nasabing utang patuloy silang nagdidiskonek sa mga streetlights
particular na sa Barangay Poblacion, kinakailangan umano nilang sundin ang
mandatos ng nasabing Kooperatiba at upang magkaroon sila ng efficient
collection.
Ayon naman sa pahayag ni Mr. Ben
Guzman, ang Municipal Administrator ng LGU Kabacan, na siyang direktang
nakikipag-ugnayan sa COTELCO, inaasahang matatapos ang negosasyon ng LGU
Kabacan at COTELCO sa isang Memorandum of Agreement, base sa mapagkasunduan ng
dalawang institusyon, sa susunod na linggo. Inaasahan ding maibabalik na sa
madaling panahon ang nasabing kuryente upang hindi malagay sa alanganin ang
seguridad ng Kabacan lalo pa at magbubukas na ang pasukan sa Hunyo.
Dagdag pa
niya, hindi nagpapabaya ang Lokal na Pamahalaan ng Kabacan sa responsibilidad
nitong pagbibigay ng totoong serbisyo sa mga tao.
Ayon pa kay Mayor Herlo P. Guzman, Jr
sa panayan sa kanya, ginagawa niya umano ito para sa kapakanan ng mga taga
Kabacan at hindi dahil sa kung ano pa mang dahilan.
Aniya, mas makatutulong pa
umano sa proseso ng kaunlaran ng Kabacan kung isantabi muna ang mga pansariling
kapakanan.
0 comments:
Mag-post ng isang Komento