Tatlo-katao ang
nasugatan makaraang sumabog ang granada sa pamilihang bayan ng nasabing lugar.
Sa panayam ng DXVL
News kay P/Supt. Joefil Siason, hepe ng Isulan PNP kinilala nito ang mga
nasugatang biktima na sina Marlyn Vargas, 29; Abraham Sapal, 16; at ang may
dala ng granada na si Rahid Demaloloy Pangilamin, 36, ng Paglat, Maguindanao.
Mabilis na isinugod
sa Isulan Provincial Hospital ang mga biktima kung saan mahigpit na
binabantayan ng pulisya si Pangilamin.
Ayon kay Siason,
dala ni Pangilamin ang granada na nakatago sa suot na jacket nang biglang
nahulog at sumabog sa meat at fish section ng palengke bandang alas-11:15 ng
umaga.
Nabalot ng tensyon
at nagtakbuhan ang mga mamimili at tindero palabas ng palengke.
Nabatid na naunang
isinailalim sa heightened alert ang Sultan Kudarat dahil sa ulat na pambobomba
ng mga rebeldeng Bangsamoro Islamic Freedom Fighters (BIFF).
Sinabi ni Siason na
naghigpit na sila ng seguridad sa bayan katuwang ang Armed Forces of the
Philippines.
Dagdag pa niya na
mayroon umanong mga Checkpoint na inilagay sa mga highway at naglagay din umano
ng mga kapulisan sa bawat kalye sa bayan.
Batay naman sa
impormasyong nakuha ng Isulan PNP sa isang testigo ay nakita nya umano ang
suspek na pinaglalaruan nito ang granada sa loob ng CR.
"Nataranta umano ang
suspek nang nakita nito ang nagpapatrolyang mga sundalo at pulis dahilan upang
aksidente umano nitong naihulog ang granada mula sa kanyang jacket at gumulong
sa kanal na may tubig bago sumabog.", wika pa ni Siason.
Inihayag din ni
Siason na ayon sa kanilang inisyal na imbestigasyon ay wala umano kina-aanibang
grupo ang sinasabing suspek na may dala ng granada subalit patuloy parin ang
imbestigasyon patungkol sa katauhan ng suspek. Christine Limos
0 comments:
Mag-post ng isang Komento