(Kabacan, North Cotabato/ February 6,
2015) ---Patuloy pa ngayong iniimbestigahan ang pagbaril patay ng mga di pa
nakikilalang mga salarin sa isang lalaki sa Purok Crislam, Brgy. Poblacion,
Kabacan Cotabato alas 12:10 ng tanghali kahapon.
Kinilala ni PI Arvin John Cambang ng
Kabacan PNP ang biktima na si Monib Mantungan, 50 anyos at residente ng Brgy.
Nangaan sa nasabing bayan.
Sa inisyal na imbestigasyon, nakaupo
lamang umano ang biktima sa harapan ng tindahan ni ginoong Laurence Garzon sa
nasabing lugar nang dumating ang 3 kalakihan, sakay sa isang Bajaj na
motorsiklo, kulay itim at biglang bumunot ang isa sa mga backriders nito ng
kalibre 45 na pistola at walang kaabog2 na pinagbabaril ang biktima.
Nagtamo ng tama sa ulo ang biktima na
naging resulta sa agaran nitong kamatayan.
Narekober sa crime scene ang 3 basyo
ng kalibre 45 na pistola.
Matapos maisagawa ang masamang
balakin ay agad na tumakas ang mga salarin sa daan patungong Sitio Lote Brgy.
Kayaga.
Agad umanong nagsagawa ng pursuit
operation ang Kabacan PNP ngunit tuluyan nang nakatakas ang mga ito.
Patuloy pa ngayon ang ginagawang
imbestigastyon ng Kabacan PNP sa nasabing Insidente. Mark Anthony Pispis
0 comments:
Mag-post ng isang Komento