(Kidapawan City/
February 5, 2015) ---All set na ang Foundation Anniversary Celebration ng
Kidapawan City na gaganapin sa darating na February 12, 2015.
Ang nasabing
selebrasyon ay may temang Kidapawan City at 17: Celebrating Life, Sustaining
Peace, Envisioning Prosperity. Ang mga aktibidad sa naturang anibersaryo ay
sisimulan na sa darating na byernes February 6, 2015.
Ito ayon sa panayam
ng DXVL news kay Kidapawan City Mayor Joseph Evangelista.
Kabilang sa
nakahilerang aktibidad ay ang Motocross nagaganapin sa Barangay Sudapin sa
darating na byernes alas- 8, at ang iba pa gaya ng funshoot, dancesports.
May nakalatag na
ring sports activities gaya ng basketball tournament, chess, table tennis at
volleyball na gaganapin din umano sa darating na Sabado, February 7, 2015.
Inihayag din ni
Kidapawan City Mayor na isasagawa ang Military Civic Parade bilang opening sa
nasabing selebrasyon at kasunod nito ay ang Opening Program na gaganapin sa
City Gymnasium sa darating na Linggo, February 8, 2015.
Nilinaw naman ng
alkalde na magkakaroon umano ng Mutya ng Kidapawan subalit ito ay gaganapin pa
sa darating Oktubre. Ito umano ay upang mapaghandaang maayos ang naturang
patimpalak at upang maipakita rin kung ano talaga ang Kidapawan na inilarawan
niya bilang isang lungsod may unity and diversity.
Magkakaroon din
umano ng peace concert sa darating na linggo alas- 6 ng gabi na gaganapin din
umano sa City Gymnasium.
Dagdag rin niya na
lahat umano ng isasagawang aktibidad ng City Government ng Kidapawan mula Feb.
6 hanggang 12 ay libre umanong masasaksihan ng publiko at walng anomang
babayarang registration o entrance fee.
Siniguro naman ni
City mayor ang Peace and Order sa naturang selebrasyon. Meron na umanong
nakaassign na Security Team na magbabantay sa mga entrance and exit points sa
Poblacion at may nakaantabay rin na security personnel sa City Plaza. Christine
Limos
0 comments:
Mag-post ng isang Komento