Public hearing ng pagpapalawig ng pagkuha ng prangkisa ng mga trysikel drivers and operators, kinukwestion ng ilang assosasyon ng mga trysikel sa bayan

(Kabacan, North Cotabato/ February 3, 2015) ---Sa kabila ng matagumpay ang ginawang public hearing kahapon sa pagpapalawig ng pagkuha ng prangkisa ng mga trysikel drivers and operators sa bayan ng Kabacan, ilan naman sa mga asosasyon sa nasabing grupo ay tumutol dito.

Sa panayam ng DXVL News kay Councilor Reyman Saldivar Vice chairman ng Committee on Transportation, inihayag nitong ang naturang public hearing ay tungkol sa pag amienda sa trysikel code bilang pagtugon sa petition letter ng Kabacan Unity Lines Tricycle and Operators Drivers Association (KULTODA) sa Sangguniang Bayan sa Chairman ng Committee on Transportation sa pangugunguna ni Hon. Herlo Guzman Sr na palawigin ng dalawang taon ang pagkuha ng prangkisa.

Ang naturang public hearing ay dinaluhan ng KULTODA at grupo ng 1-A-1 na tumutol sa naturang panukala na gawing 2 taon ang pagkuha ng prangkisa.

Dagdag pa ni Saldivar mas pabor sa mga trysikel driver kung magiging 2 taon ang pagkuha ng prangkisa dahil hindi sila maaabala sa kanilang pamamasada.

Binigyang diin din ng opi na kung ano man ang ikabubuti ng nakararami ay ‘yon ang aaprubahan ng Sangguniang Bayan.

Samantala, nagbigay naman ng reaksyon ang opisyal ng route 1-A-1 Officer Samuel Dapun na kung gagawing 2 taon ang renewal ng prangkisa nais sana nilang isali din ang pagkuha ng Mayor’s permit, Barangay Clearance, Police clearance at iba pang collection fees na gawin din dalawang taon.

Ito para mabigyan din ng hustisya ang sinasabing pagpapalawig ng dalawang taon.

Paliwanag pa niya na hindi rin umano nakikita ng Sanggunian na marami pa rin ang kolurom at mga di nakapag-renew taon-taon at possible pa umanong dadami ang kolurom kapag palalawigin din ng dalawang taon ang pagkuha ng prangkisa.

Dahil dito, iginiit ni Dapon sa nangyaring Public Hearing kahapon na gawin munang status Quo ang nasabing panukala.

Kaugnay nito, nagpahayag din ng kanyang reaksiyon ang secretary ng KULTODA na si Amado Adana Jr. matapos na sumugod ito sa DXVL kahapon hinggil sa kanyang pagsalungat sa ilang mga pahayag ni Dapon.

Aniya, gumagawa sila ng petisyon na humihiling sa Sanggunian na palawigin ng dalawang taon ang pagkuha ng prangkisa ito upang mapagaan ang pasanin na babayarin ng mga tricycle draybers and operators.

May patutsada rin ito kay Dapon sapagkat personal niyang inatake ang opisyal sapagkat wala rin umanong ito nagawa nu’ng ipinasa ang fare increase ng KULTODA sa bayan ng Kabacan at lahat din ng ruta ay nabenipisyuhan kasama na ang route A-1-A, ayon pa kay ginuong Adana.

Nakatakda namang sasagutin mamayang hapon sa programang periodiko express dito sa DXVL ni Samuel Dapon ang mga patutsada ni Amado “Nognog” Adana Jr. Rhoderick Beñez and Christine Limos