Reklamo ng isang magulang hinggil sa pagkawala ng JS Prom sa Kabacan National High School, sinagot ng pamunuan ng paaralan

(Kabacan, North Cotabato/ February 10, 2015) ---Sinagot ng pamunuan ng Kabacan National High School ang reklamo ng isang magulang hinggil sa pagkawala ng Junior-Senior Prom sa naturang paaralan.

Ayon sa pamunuan ng paaralan sa kanilang inilabas na kalatas ay sinisugarado lamang umano nila ang kaligtasan ng lahat at kinokonsidera rin nila ang krisis pang-ekonomiya sa ngayon at masasayang lamang umano ang mga academic hours na igugugol ng mga estudyante sa pag-eensayo ng JS Prom.

Sa halip na JS Prom ang magaganap ay magkakaroon na lamang umano sila ng Festival of Talents at Output Exhibit.

Ngunit binigayng diin naman ng pamunuan na desisyon pa rin umano ng mga magulang kung magkakaroon ng naturang programa. Lynneth A. Oniot