(Kabacan, North Cotabato/ February 9, 2015)
---Sa pagpupulong ng Local Council of Women ng Kabacan noong February 5, 2015
sa opisina ni Mayor Herlo P. Guzman Jr. naiminungkahi ng kanilang miyembro ng
nasabing konseho ang pagrereview sa 2008 Gender and Development Code ng Kabacan
bilang parte ng Women’s Month Celebration ngayong darating na Marso 2015.
Ang 2008 Gender and development Code ng
Kabacan naisabatas taong 2008 biang Municipal Ordinance no. 2008-011 na inakda
ni Municipal Councilor Jonathan M. Tabara bilang isang legislative mechanism
upang mas mapagtibay at mapalakas ang mga programa at serbisyong magpoprotekta
sa mga karapatan ng mga kababaihan at magpapalawig pa sa mga oportunidad nito.
Ayon pa kay Hon. Ayesha Quiban, ang
Committee Chairperson ng Wowen and Family at miyembro din ng Local Council of
Women, ang inisyatibong ito ay mahalaga upang gawing mas komprehensibo at mas
gawing malawak ang mga probisyon ng GAD Code ng Kabacan at maisali ang usaping
Disaster Management, environmental concerns na mayroong direktang epekto sa mga
kababaihan.
Dagdag pa niya,mahalaga rin umanong
maunawaan ng publiko na kinakailangan ang pag review ng 2008 GAD Code upang
gawing mas epektibo pa ang tumataas na bilang ng mga Gender- based violence
cases dito sa bayan.
Kabilang sa mga mahahalagang mga activities
na napag- usapan ng LCW ay ang pagsasagawa ng whole year Gender Sensitive
Training sa iba’t- ibang barangays kasama na rin ang mga Roll- out activities
upang mas lalo pang maintindihan pa ng publiko ang Magna Carta of Women at ang
pag- establish ng Gender Focal Point System sa LGU Kabacan. Sarah Jane C.
Gurrero, LGU Kabacan
0 comments:
Mag-post ng isang Komento