(Banisilan, North Cotabato/ February 13, 2015) ---Patay
ang magkapatid na caretaker, habang isa pa ang malubhang nasugatan makaraang
sumabog ang pinaglaruang granada ng isa sa mga biktima sa loob ng tahanan ng
isang dating alkalde sa bayan ng Banisilan, North Cotabato kamakalawa.
Kinilala ang mga nasawing biktima na sina Romar “Tata”
Anarilla, 24 at Benjie Anarilla, 15;
kapwa caretaker sa bahay ni dating
Banisilan Mayor Floro Allado.
Isinugod naman sa Maramag Hospital ang sugatang biktima
na si Cocoy Allado, pamangkin ng dating alkalde.
Sa panayam ng DXVL News kay PCI Bernard Tayong ang
Spokesperson ng CPPO, naganap ang insidente sa Brgy. Poblacion, Banisilan ng
lalawigang ito bandang alas-7 ng gabi.
Ayon sa imbestigasyon, pinaglaruan ng isa sa mga nasawing
biktima ang nasabing granada.
Natanggal ang pin ng granada kung saan sa lakas
ng pagsabog ay halos nagutay ang katawan ng magkapatid.
Nagkataon namang wala sa kaniyang bahay ang alkalde nang
mangyari ang pagsabog.
Isinasailalim pa ng mga awtoridad sa masusing
imbestigasyon ang kasong ito. Rhoderick Beñez
0 comments:
Mag-post ng isang Komento