By:
Christine Limos
(Tulunan, North Cotabato/ November 5, 2014)
---Sumiklab ang palitan ng putok sa pagitan ng mga magsasaka at dalawampung di
nakilalang armado sa km 130 na sakop ng Brgy. Popoyon, Tulunan, North Cotabato.
Agad na rumisponde ang Tulunan PNP sa
pangunguna ni PSI Rolando L. Dillera jr. at ang tropa ng 39th Infantry
Battalion Philippine Army.
Ayon sa imbestigasyon naghahanda ng lupang sakahan
para ang mga magsasaka nang bigla silang hinarass ng mga armadong grupo. Nagtagal ang palitan ng
putok ng apat na oras.
Kinilala ni Dillera jr. ang sugatan sa
engkwntro na si Mike Beñegas na nagtamo ng sugat sa kanang braso.
Ang biktima ay agad namang sinugod sa Tulio
Favali Hospital poblacion Tulunan.
Pinaniniwalaang land conflict ang motibo ng
naturang panghaharas. Dahil sa nasabing insidente, nagsilikas na ang maraming
residente sa lugar dahil sa takot na madamay sa engkwentro.
Patuloy naman ang imbestigasyon sa naturang
insidente.
-0-0-0
LUNES PA LAMANG ay dumagsa na ang kaanak ng
mga Human rights victims na napaslang at inabuso sa panahon ng Martial Law.
Ayon kay Human Rights Victims' Claim Board
Atty. Jaime Arroyo, personal interview pa lamang ang kanilang naisagawa kasabay
ng pagtanggap ng mga dokumento bago maipasa sa National level.
Hindi naman masabi ng opisyal kung ano ang
mga benepisyong matatanggap ng mga aplikante.
Pero inilahad nitong abot sa sampung bilyong
piso ang inilaang pondo ng gobyerno para sa programa kasunod ng desisyon ng
Swiss court na bawiin ang pera mula sa pamilya Marcos.
Dagdag pa ni Arroyo, magsasara ang
application sa susunod na Lunes pero muli itong bubuksan sa susunod na buwan
matapos maaprubahan ang anim na buwang extension.
Ang Human Rights Victims' Claim Board ay
isang sangay ng Commission on Human Rights na naglalayong tutukan ang hustisya
para sa mga naging biktima ng Marshall Law.
0 comments:
Mag-post ng isang Komento