By:
Allan Dalo
(USM, Kabacan, Cotabato/ November 4, 2014)
----Nagpapatuloy hanggang sa ngayon ang enrollement sa pinakamalaking state
university sa Central Mindanao, ang University of Southern Mindanao.
 |
| Photo by: William dela Torre |
Kahapon, pansamantalang nabalam ang
koleksyon dahil nagkaaberya ang server ng Information Communication
and Technology Center o ICTC na isa sa mga nangangasiwa ng enrolment process.
Sa panayam kay Vice President for Academic
Affairs Dr. Palasig Ampang, sinabi nito na agad ginawan ng paraan ng pamantasan
ang aberya at nagpatuloy ngayong hapon.
Sa ngayon, umaabot pa lamang sa 2,500 ang
nakapag-enrol para sa 2nd semester habang tinatayang nasa mahigit labing-isang
libo pa ang hindi pa nakakapag-enrol.
Ayon pa kay VP Ampang, hindi na maaari pang
i-extend ang enrolment period dahil napahaba nang panahong inilaan ng
pamantasan para sa enrolment simula pa nitong nakalipas na linggo. May
kailangan kasing kumpletuhing number of hours para sa buong semestere.
POsible umanong hinintay pa ng maraming
estudyante ang open enrollement kaya nagsiksikan ngayon sa pila.
Pero ayon naman sa ilang mga estudyante,
wala pa umano silang sapat na perang pang-enroll nitong nakalipas na linggo.
Nagpapaalala naman si VP Ampang, sa mga
estudyante na tiyaking matapos ang buong proseso ng enrolment para maging
lehetimong estudyante ng pamatansan.
0 comments:
Mag-post ng isang Komento