(North Cotabato/ November 1, 2014)
---Humabol pa sa undas ang dalawang katao makaraang masawi matapos na mahulog
ang kanilang sinasakyang van sa bangin sa Green hills sa President Roxas, North
Cotabato alas 3:25 kahapon ng hapon.
Kinilala ni PSI Romy Castanares, hepe ng
Pres. Roxas PNP ang mga nasawi na sina Jonas Trecero, 21-anyos residente ng
Bunawan, Davao City at Hilario Diwan, 33-anyos Brgy. Kimahuring ng nasabing
bayan.
Batay sa inisyal na pagsisisyasat, binabaybay
ng pampasaherong van (GLB 249) ang kahabaan ng National Highway buhat ng
Kidapawan City papunta sa bayan ng Arakan ng mawalan ng preno at kontrol ang
drayber binunggo ang steel gutter at nahulog sa bangin na may lalim na mahigit
sa 80 metro.
Nagtamo ng sugat ang drayber na kinilalang
si Michael Abear, 40-anyos at residente ng Zone 3, Mahayag, Buhangin, Davao
City.
Samantala sugatan din ang ilan pang mga
pasahero na kinilalang sina Proferio Napalit, 48-anyos, Bunawan, Davao City at
Condrado Trecero, 18-anyos brgy. Kimahuring ng nasabing bayan.
Agad namang dinala sa Amas Provincial
Hospital ang mga sugatan habang patuloy naman ang ginagawang imbestigasyon. Rhoderick Beñez
0 comments:
Mag-post ng isang Komento