(Kabacan, North cotabato/ November 3, 2014)
---Isinailalim na sa debriefing ang 17-anyos na dalagita makaraang marekober sa
harap ng bus terminal malapit lamang sa Tobias Residence sa bayan ng Pikit,
Cotabato Sabado ng gabi.
Sa panayam ng DXVL News kay Vice Mayor Myra
Dulay Bade personal na tinungo ng opisyal ang kampo ng 602nd Brigade
kungsaan tinurn-over ang biktima kahapon ng umaga.
Hindi naman isinapubliko ng bise alkalde ang
pagkakakilanlan ng biktima na sinasabing anak umano ng trabahante ng Kusina
Kabacan.
Nabatid na tinangay ang dalagitan ng limang
mga suspek na naka-bonnet na isinakay sa Van.
Pero ng malaman na mistaken identity ang
biktima kanilang iniwan ito sa nasabing lugar.
Nagpatamo pa umano ng mga pasa ang biktima
na ngayon ay isinailalim sa counseling at debriefing.
Namataan ng mga intelligence operative ang
biktima alas 9:00 ng gabi noong Sabado at agad na dinala sa Carmen PNP bago
inihatid sa kampo ng 602nd brigade na siya namang apela ng biktima
dahil isang sundalo ang kanya ama.
Ibinunyag sa isang intelligence report na
ang anak umano ng may-ari ng Kusina Kabacan ang target sana ng mga suspek na
dukutin.
Sa ngayon, patuloy na tinutugis ng otoridad
ang mga responsible sa nasabing pang-aabduct sa biktima. Rhoderick Beñez
0 comments:
Mag-post ng isang Komento