Rhoderick
Beñez
NORTH COTABATO, Philippines - Kamatayan ang
sumalubong sa mag-asawang lulan ng motorsiklo matapos mahagip ng 10-wheeler
truck sa kahabaan ng national highway sa Barangay Malasila, bayan ng Makilala,
North Cotabato kamakalawa ng gabi.
Naisugod pa sa ospital subalit idineklarang
patay ang mag-asawang Danilo Gomez Pequit, 37; at Lilibeth Pequit na kapwa
nakatira sa Barangay Saguing sa nasabing bayan.
Sa ulat ng Makilala PNP Traffic Division,
magkaangkas sa motorsiklo ang mag-asawa nang mahagip ng rumaragasang 10-wheeler
truck na may kargang softdrinks.
Nabatid na patungong Cotabato City ang truck
na minamaneho ni Darwin Sungajib, 28, ng Digos City nang mawalan ng preno.
Sinubukang iwasan ni Sungajib ang
nagmomotorsiklong mag-asawa subalit nahagip din matapos tumagilid ang truck.
Nasa kostudiya na ng pulisya ang driver ng
truck habang nag-alok naman ng tulong pinansyal sa pamilya ng mga biktima ang
may-ari ng truck na si Rodrigo Bacay.
0 comments:
Mag-post ng isang Komento