(Kabacan, Cotabato/ September 29, 2014) ---Isa
ang naiulat na namatay habang isa ang sugatan sa muling pagsiklab ng engkwentro
ng pangkat ng armadong grupo at mga magsasaka sa sakahan ng Sitio Maligaya,
Brgy. Lower Malamote, Matalam, Cotabato alas 10:30 kahapon ng umaga.
Sa report ni SPO1 Froilan Gravidez ng
Matalam PNP, na naghahanda umano ng kanilang sakahan ang mga magsasaka sa
nasabing lugar ng paputukan ang mga ito ng mga armadong grupo na buhat sa brgy.
Cuyapon, Kabacan.
Sa hiwalay na ulat ni Municipal Disaster
Risk reduction Officer David Don Saure na nasawi ang isang Jay-ar Maganaka
28-anyos ng Lower Paatan makaraang matamaan ng bala sa nangyaring putukan sa
magkabilang grupo.
Naisugod pa ang biktima sa Kabacan Medical
Specialist pero, di na ito umabot pa ng buhay.
Maliban dito, sugatan din ang isang
magsasaka na si Willie Tenirepe ng Lower Malamote dahil sa nangyaring
engkwentro sa lugar.
Sinasabing land conflict sa hangganan ng
lupain ng Kabacan at Matalam sa nasabing brgy. ang dahilan ng panibagong pagsiklab
ng engkwentro.
Nagtagal din ng ilang oras ang palitan ng
putok sa magkabilang panig. Rhoderick
Beñez
0 comments:
Mag-post ng isang Komento