By:
Ruel L. Villanueva
(Amas, Kidapawan City/ September 29, 2014)
---Bilang bahagi ng Industrial Crops Development Program ng lalawigan ng
Cotabato, namahagi kamakailan ng 20,400 piraso ng budded rubber seedlings ang
Office of the Provincial Agriculturist para sa 51 farmer beneficiaries sa
Aleosan, Cotabato.
Sa pamamgitan nito, inaasahang lalawak pa ang lupaing
matatamnan ng rubber at tataas pa ang produksiyon ng latex dito sa lalawigan na
makapagbibigay ng susutainable income sa mga magsasaka.
Ang mga rubber seedlings na naipamahagi ay
patuloy na imomonitor ng mga technicians ng OPA upang siguradong mabubuhay ang
mga ito at pagkatapos ng isang taon ay ivavalidate ang survival rate ng
seedlings na itinanim. Kung umabot sa 75% ang survival rate ay wala nang
babayaran sa halaga ng seedlings ang farmer beneficiary.
Ang Rubber Development Program ay mahalagang
component ng Serbisyong Totoo program ni Gov. Emmylou “Lala” J. Taliño-Mendoza
upang maiangat ang antas ng pamumuhay ng mga magsasaka ng goma sa lalawigan ng
Cotabato.
Sa kabilang dako, nakapamahagi naman
kamakailan (9/24/14) ng 15,000 pcs. ng hito fingerlings ang OPA Fisheries
Division para sa 25 fisherfolk na mula sa mga bayan ng Mlang, Magpet, Tulunan,
Aleosan, Kidapawan City at Pigcawayan. Ito ay kaugnay ng Aquaculture
Development program ng Pamahalaang panlalawigan upang makapagbigay ng dekalidad
na fingerlings ng hito.
Layon ng programa na maiangat ang
produksiyon ng hito sa lalawigan upang mapunan ang kakulangan sa protina sa mga
rural communities sa pamamagitan ng fish protein.
Kasabay ng hito fingerlings distribution ang
pagbibigay ng kaukulang technical assistance sa acclimatization, wastong
pagpapakain at tamang stocking density ng hito sa fish pond. Inaasahang
makakadagdag ito ng kita sa mga fish pond operators sa lalawigan.
0 comments:
Mag-post ng isang Komento