(Kabacan, Cotabato/ September 29, 2014) ---Inireklamo ng
isang ginang ang Traffic Management Unit Head ng LGU Kabacan dahil sa diumano’y
pambubugbog sa mismong anak nito.
Batay sa affidavit complaint ni Luzviminda Ladasan,
51-anyos , may asawa at residente ng 1355 Mercado St., Poblacion, Kabacan,
Cotabato na alas 5:00 ng hapon noong September 26 ng binugbog umano at tinalian
pa ng tie-wire sa kamay ng grupo ni Ret. Col. Antonio Peralta kasama ang limang
mga kasamahan nito ang kanyang Anak na si Cosain Lala Landasan at dinala sa
Kabacan Municipal Police Station.
Batay sa ulat, bago nangyari ang insidente ay may
nakasapakan na umano ang batang Ladasan sa isang bahay inuman sa USM Avenue
hanggang sa magwala ito at naging dahilan ng abala sa daan.
Kaya dinala ito sa presinto.
Nang malaman ni ginang Luzviminda na nasa Kabacan PNP ang
anak, agad na tinungo nito at doon nakita nitong binugbog at duguan ang anak.
Agad namang dinala nito sa USM Hospital ang bata kasama
ang Kabacan PNP para isailalim ng medico legal.
Batay sa kanyang sworm statement ay magsasampa umano ng
karampatang kaso ang pamilya Ladasan sa kampo ng Traffic Management Unit ng LGU
Kabacan.
Sa eksklusibong panayam ng DXVL News kay TMU Head Ret.
Col. Antonio Peralta na tahasa nitong itinanggi ang nasabing akusasyon.
Handa rin umanong sasagutin ng opisyal ang nasabing
parating sa kanya hangga’t mai-file na nila sa korte ang affidavit of
complaint.
Una ng sinabi ng opisyal na paninirang puri o character assassination
umano ang ginagawa nito sa kanya. Rhoderick
Beñez
0 comments:
Mag-post ng isang Komento