(Kabacan, North Cotabato/ August 11, 2014)
---Patuloy ngayong pinaghahanap ng mga kapulisan ang suspek na responsable sa
panghohold-up sa Pritong Manok establishment sa may bahagi ng USM avenue,
Kabacan, Cotabato alas 7:30 ng gabi nitong Sabado.
Sa ulat na nakarating sa Kabacan PNP, isang
di pa nakilalang suspek ang pumasok sa nasabing establisiemento ng mga oras na
iyon at nagdeklara ng hold-up, ayon pa kay SP01 Kenneth Garbin ang case investigator
ng Kabacan PNP.
Tinutukan pa umano ng suspek ng baril ang
ilan sa mga empleyado ng nasabing kainan at agad na tinangay ang cash na
nagkakahalaga ng P4,600.
Mabilis na tumakas ang suspek sakay sa XRM
motorcycle na nakahintay sa suspek lulan ng dalawa pang mga di nakilalang sakay
nito.
Batay sa pagsasalarawan ang holdaper ay may
taas na 5’6 at nakasuot ng puting damit at may mga nakasulat at maong ang long
pants nito at armado ng kalibre .45 na pistol.
Agad namang nagsagawa ng hot pursuit operation
ang mga kapulisan pero bigo po silang mahuli ng mga suspek. Rhoderick Beñez
0 comments:
Mag-post ng isang Komento