(Pres. Roxas, North Cotabato/ August 11,
2014) ---Tatlo ang naiulat na namatay habang anim naman ang nasa malubhang
kondisyon makaraang masangkot sa aksidente ang dalawang motorsiko sa bahagi ng
Brgy. Labuo, Pres. Roxas, Cotabato alas 9:30 ng gabi nitong Sabado.
Sa ulat ni Cotabato Police Provincial Office
(CPPO) Spokesperson PSI Jojet Nicolas na kinilala ang mga nasawi na sina Filimon
Tayco, PhilJohn Jabonillo at Ryan Mendoza, drayber at residente ng brgy.
Kamarahan ng nasabing lugar.
Samantala kritikal naman ang isa pang
drayber na kinilalang si Joel Ynion, 39-anyos, may asawa at residente ng
Poblacion, Pres. Roxas, Junita Jabonilla, at isa pang Ynion na edad 50-anyos at
Johnny Jabonilla, 41-anyos kapwa residente ng Poblacion ng nasabing lugar habag
nasa malubhang kalagayan din ang dalawa pang pasahero na kinilalang sina
chariemar Mendoza at Marcone Managuit na kapwa residente ng Brgy. Kamarahan ng
nasabing bayan.
Batay sa ulat na nakarating sa CPPO,
binabaybay ng isang Kawasaki Bajaj na may side car at may license plate NR
4851ang kahabaan ng National Highway buhat sa Poblacion ng President Roxas ng
aksidenteng mabangga sa isang Honda XRM 125 na may plakang 4858 mula naman sa
kasalungat na direksiyon.
Dahil sa lakas ng pagkakabunggo, tatlo ang
patay kasama na dito ang drayber ng XRM na si Mendoza at ang dalawang pasahero
ng Kawasaki Bajaj.
Naisugod pa sa bahay pagamutan ang biktima
pero di na ito umabot pa ng buhay.
Sa ngayon patuloy pa ang ginagawang
imbestigasyon ng mga otoridad sa naturang insidente. Rhoderick Beñez
0 comments:
Mag-post ng isang Komento