(Kabacan, North Cotabato/ August 12, 2014)
---Iginiit ng pamunuan ng Traffic Management Unit ng Kabacan na illegal ang
pag-tuturno ng ilang mga tricycle at trisikad sa bayan.
Ito ang sinabi ni TMU Head Ret. Col. Antonio
Peralta sa panayam sa kanya ng DXVL News.
Ginawa ng opisyal ang pahayag matapos na
ireklamo ng ilang mga public commuters ang diumano’y mga turnuhan ng mga sikad
at tricycle sa ilang mga Purok sa Poblacion, particular na rin dito ang sa
Purok Miracle.
Kaugnay nito, binigyan naman minsan ng
konsiderasyon ang mga ito basta’t hindi nakakaabala sa daloy ng trapiko.
Maliban sa pagtuturno, nirereklamo din ang
diumano’y di paghahatid ng ilang mga USM tricycle sa mga pasahero kapag
nag-iisa lang ito.
Tugon naman ni Ret. Col. Peralta na kunin
ang kanilang body number at agad na ireport sa kanila.
Katunayan, aniya ay marami na silang mga
tricycle draybers and operators ang nasasampulan dahil sa patuloy na paglabag
sa batas trapiko.
Tinawag naman ng opisyal na malaking
kasalanan ang failure to convey passenger para sa mga namamasada na hindi
nagpapasakay o di kaya ay namimili ng pasahero. Rhoderick Beñez
0 comments:
Mag-post ng isang Komento