(Kabacan, North Cotabato/ July 29, 2014) ---Naging
mapayapa at matagumpay maliban sa maingay ang pagsalubong ng mga
mananampalataya ng Islam sa pagdiriwang ng Eid’l Fit’r o pagtatapos ng buwan ng
Ramadhan dito sa bayan ng Kabacan sa pamamagitan ng Takbeer o pagbubunyi at
papuri kay Allah.
Liban pa dito ay sabayan rin silang nagdasal
o congregational prayer na idinaos sa iba’t-ibang lugar at mga simbanhang Moske
sa bayan.
Bukod sa Kabacan ipinagdiriwang din ito sa
iba’t-ibang lugar sa bayan ng North Cotabato kasama na rin sa ARMM at Cotabato
City.
Bagaman umuulan, libo-libo pa rin sa mga
kapatid nating Muslim ang dumagsa sa mga lugar sambahan bago magsagawa ng
kanduli o handaan sa kani-kanilang mga tahanan.
Sa kabuuan, naging mapayapa at makabuluhan
ang isang buwan na pagdiriwang ng Ramadhan sa bayan ng Kabacan. Rhoderick Beñez
0 comments:
Mag-post ng isang Komento