(Alamada, North Cotabato/ July 28, 2014) ---Muli
ng binuksan sa publiko ang pamosong Asik-asik Falls sa Alamada, North Cotabato
makaraang isara ito dahil sa nangyaring “outbreak” sa lugar.
Ito ang eksklusibong impormasyon na ipinarating sa DXVL News Radyo ng Bayan ni Alamada
Municipal Administrator Ruben Cadava.
Aniya, nito pa umanong buwan ng Hulyo muli
binuksan sa mga turista ang pinakatanyag na tourist destination sa probinsiya
makaraang ideklara na “outbreak free” an ang lugar.
Matatandaan na inihayag ni Municipal
Information Officer Melissa Bagsican na pansamantala nilang ipinasara noong
buwan ng Mayo ang Asik-asik Falls matapos na pumutok ang outbreak na nag-iwan
ng 11 katao ang kumpirmadong namatay habang mahigit sa 600 ang naapektuhan ng
Cholera Outbreak buhat sa tatlong mga barangay ng Alamada, North Cotabato.
Samantala, hindi naman naapektuhan ang
turismo sa lugar ito makaraang marami pa rin ang pumupunta sa asik-asik falls
lalo na kapag weekend.
Mas pinaganda na rin ngayon ang eco-tourism
sa lugar, ang kalsada at ang hagdan papunta mismo sa Falls pati na rin ang mga
kubong rentals nito, dagdag pa ni
Cadava. Rhoderick Beñez
0 comments:
Mag-post ng isang Komento