(Kidapawan City/ July 30, 2014) ---Isasagawa
na ngayong araw ang extemporaneous speech contest kungsaan tampok ang mga high
school students mula sa iba’t-ibang pampubliko at pribadong paaralan ang
kalahok sa nasabing patimpalak na gagawin sa Kidapawan City.
Ayon kay Cot. Provincial Disaster Risk
Reduction and Management Operations Center Head Cynthia Ortega, ang naturang
paligsahan ay bahagi ng mga nakalatag na aktibidad kaugnay sa National Disaster
Consciousness Month.
Sinabi pa ng opisyal na layon ng paligsahang
ito na maipaunawa sa mga kabataan ang kahalagahan ng pangangalaga ng kalikasan
at maging bahagi sila sa mga hakbang ng pamahalaan kaugnay ng disaster
awareness and preparedness.
Dagdag pa ni Ortega na malaki ang papel ng
mga mag-aaral upang mabawasan ang mga posibleng kasiraan dulot ng kalamidad at
ito ay kung handa sila at alam kung ano ang gagawin.
Ito rin ang dahilan kung bakit masigasig na
isinusulong ito ni Gov. Emmylou “Lala” Taliño Mendoza ang environmental
protection at disaster preparedness sa hanay ng mga mag-aaral at maging sa iba
pang sektor.
Nakasentro ang obserbasyon ng National
Disaster Consciousness Month ngayong Hulyo sa temang “Kahandaan at Kaligtasan
ng Pamayanan Pundasyon ng Pamahalaan”. Rhoderick Beñez
0 comments:
Mag-post ng isang Komento