(Kabacan, North Cotabato/ July 30, 2014) ---Kulungan
ang bagsak ng dalawa katao makaraang mahuli sa magkahiwalay na operasyon ng
Kabacan PNP kahapon, sa mas pinaigiting na kampanya kontra illegal na sugal.
Kinilala ni P/Supt. Jordine Maribojo, hepe
ng Kabacan PNP ang mga nahuli na sina Elvis Gascon, 31-anyos, may asawa at
residente ng Brgy. New Juaniway, Mlang, North Cotabato na natiklo sa Brgy.
Osias dakong alas 8:30 ng umaga kahapon habang huli naman sa bahagi ng Purok
Krislam ng Poblacion si Sinempalan Solaiman, 27-anyos, magsasaka at residente
ng bayang ito.
Nakuha mula kay Gascon ang ilang mga dahon
ng Marijuana at mga buto nito na nakabalot sa dyaryo kungsaan naaresto ang
suspek sa isinagawang oplan Sita at kapkap bakal sa Highway Check ng COMPAC ng
Brgy. Osias habang lulan ng kanyang Honda Wave 100 na may license plate number
6098 OJ.
Narekober naman mula sa posisyon ni Solaiman
ang isang piraso ng plastic heat sealed sachet ng mahuli ito habang sakay sa
isang motorsiklo na MCX Raptor 125 na may plakang 1994 YW ng maispatan sa
bahagi ng Purok Krislam.
Kapwa naman kalaboso ngayon sa Kabacan PNP
Lock up cell ang dalawa habang naka-impound ang mga motorsiklo ng mga ito at
inihahanda na ang karampatang kasong isasampa laban sa mga ito.
Sinabi ni Col. Maribojo na umaabot na sa 17
katao ang kanilang naaresto hinggil sa paglabag sa illegal na droga sa
ikalawang quarter ng taong ito at magpapatuloy pa ang kanilang kampanya laban
dito para malinis ang Kabacan sa ipinagbabawal na droga.Rhoderick Beñez
0 comments:
Mag-post ng isang Komento