(North Cotabato/ July 29, 2014) --- Kamatayan
ang sumalubong sa isang kasapi ng Municipal Councilor sa bayan ng Tampakan,
South Cotabato makaraang tuluyan na itong iginupo ng kanyang sakit na toxic
goiter.
Sinabi ni Police Senior Inspector Sherwin
Maglana, hepe ng Tampakan PNP na binawian ng buhay si Councilor Luisito Cariaga
Reyna sa edad na 55-anyos noong nakaraang Biyernes dahil sa iniindang
karamdaman.
Komplikasyon diumano sa sakit na toxic
goiter ang ikinamatay ni Reyna.
Siya ay residente ng Barangay Kipalbig,
Tampakan at nagsilbi sa loob ng 15-taon bilang barangay kapitan ng naturang
lugar bago pa naging municipal councilor sa loob ng walong taon.
Naging presidente ng Association of Barangay
Chairman (ABC) sa loob ng anim na taon at nanilbihan bilang barangay kagawad ng
tatlong taon.
Si Reyna ay pangalawa na na municipal
councilor na namatay sa bayan ng Tampakan.
Matatandaan na ilang buwan pa lamang ang
nakakalipas mula ng pumanaw rin si dating municipal councilor Eduardo Pingoy na
hanggang sa ngayon wala pang itinalaga na kapalit sa iniwan na puwesto.
Sina Reyna at Pingoy ay kabilang sa
partidong United Nationalist Alliance (UNA). Rhoderick Beñez
0 comments:
Mag-post ng isang Komento