(North Cotabato/ July 29, 2014) ---Pinagbabaril
hanggang sa pamatay ang isang lalaki habang kumakain ng “arroz caldo” sa harap
ng Marbel City Ride Terminal, Koronadal city, South Cotabato alas 2:15 ng
madaling araw kanina.
Kinilala PO3 Joey Pinongcos ng investigation
section ng Koronadal City PNP ang nasawing biktima na si Hadji Fajanilbo Arka
alyas Udap, 31 anyos, at residente ng Casa Subdivision, Block 1, Brgy Zon,
siyudad ng Koronadal.
Sa inisyal na pagsisiyasat na kumakain ng
arroz caldo ang biktima nang biglang dumating ang dalawang suspek sakay ng
motorsiklo, bumaba ang mga ito at binaril ang biktima.
Napag-alaman na 11 tama ng bala ang natamo
ng biktima, 5 sa ulo at 6 sa ibat-ibang bahagi ng kanyang katawan.
Mabilis namang tumakas ang suspek matapos
maisakatuparan ang masamang balakin.
Sa ngayon, sarado ang ilang bahagi ng Gensan
Drive at pinapayuhan ang mga motorista na mag-detour upang hindi maantala ang
biyahe ng mga ito habang kinordon naman ng otoridad ang pinangyarihan ng
krimen.
Patuloy pa ngayon ang ginagawang imbestigasyon ng mga otoridad sa kung ano ang
motibo ng pagbaril-patay sa biktima. Rhoderick
Beñez
0 comments:
Mag-post ng isang Komento