2 Civic project ng DXVL FM, naging matagumpay!

(Kabacan, North Cotabato/ July 19, 2014) ---Naging matagumpay ang dalawang magkahiwalay na proyektong panlipunan ng DXVL FM 94.9 Radyo ng Bayan sa tulong ng mga tagasuporta na tagapakinig at mga sponsors ng himpilan.

Ito ang “Dugo ko Alay sa Kakoolitan ko” isang Bloodletting activity kungsaan nakalikom ang National Red Cross ng abot sa 62,100cc ng dugo o katumbas ng 62.10 litro na isinagawa sa DXVL Grounds kahapon.

Samantala, daan-daan naman ang dumalo sa isinagawang Fun Run for a Cause na “Takbo para sa Batang Kabakenyo” na dinaluhan ng iba’t-ibang grupo, organisasyon, indibidwal kasama na ang mga nasa gobyerno, hanay ng kapulisan at sundalo at iba pang sektor.

Samantala, nakuha naman ni Joebert Maluyo ang kampeonato sa Fun run kungsaan siya ang unang dumating sa finish line bago mag alas 7:00 kaninang umaga.

Sumunod sa kanya si Gilbert Maluyo na itinanghal na 1^st Runner Up habang si Gilber Masibay naman ang 2^nd Runner Up kungsaan lahat nakatanggap ng gift items mula sa DXVL at ilang mga souvenir sa ika-walong taong anibersaryo.

Lubos naman ang pasasalamat ng pamunuan ng DXVL FM sa lahat ng mga suporta at tulong sa matagumpay ng dalawang proyekto at sa mainit na tugon ng mga tagapakinig sa panawagan ng DXVL na suportahan ang Bloodletting activity at ang Fun run for a cause.

Umaasa ang himpilan n asana ay suportahan pa rin ito ng taong bayan sa susunod pang taon at mas mahigpit na pagsasamahan pa ang hangad ng himpilang ito sa bawat tagapakinig ng istasyon.

Dahil dito ang tagumpay ng ika-walong taong anibersaryo na panlipunang proyekto ay alay ng himpilan sa inyu na aming mga suking tagapakinig. Rhoderick Beñez