45 na mga magsasaka sa Arakan, Cotabato nabiyayaan ng mga kalabaw at baka mula sa OPVET

Written by: Jimmy Santa Cruz

(Amas, Kidapawan city/ July 14, 2014) ---Abot sa 45 mga farmer-beneficiaries mula sa iba’t-ibang barangay ng Arakan, Cotabato ang tumanggap ng mga kalabaw at baka mula sa Office of the Provincial Veterinarian o OPVET noong July 1, 2014.

Ginanap ang distribusyon ng naturang mga farm animals sa Arakan Municipal Gym kung saan ipinamahagi ang abot sa 17 heifer cows o babaeng baka at 28 cara-heifers o babaeng kalabaw  sa 45 na mga magsasaka.

Ayon kay OPVET OIC Dr. Rufino C. Sorupia, layon ng Animal Dispersal ng Provincial Government of Cotabato na tulungan ang mga maliliit na mga magsasaka sa pamamagitan ng mga farm animals at livestock.

Maraming mga farmers na umano mula sa tatlong distrito ng Cotabato ang nabiyayaan ng mga hayop sa ilalim ng naturang programa.

Lumagda sa isang Memorandum of Agreement o MOA ang mga magsasaka at ang OPVET na siya namang magiging gabay ng mga magsasaka sa naturang programa.

Dumalo sa aktibidad si Cot. 1st District Board Member Airene Claire Pagal bilang kinatawan ni Gov. Emmylou “Lala” J. Taliño-Mendoza at ibinahagi ang mensahe ng gobernadora para sa mga magsasaka.

Nais raw ni Gov. Taliño-Mendoza na magpatuloy ang mahusay na ugnayan ng provincial government at sektor ng agrikultura upang magtuluy-tuloy ang pag-unlad ng buhay ng mga magsasaka.

Sumaksi rin sa aktibidad si Arakan Municipal Vice Mayor Jeje A. Pangilinan andArakan  ABC President Ebon.

Ilan sa mga farmer-beneficiaries na nagbigay ng mensahe at nagpasalamat sa Animal Dispersal Program ay sina Ernesto Cabuyao ng Brgy. Datu Mantangkil, Salvacion Pajenado ng Brgy. 

Makalangot, Grace Hernane ng Brgy. Lanao Kuran, Lilibeth Alinsonorin ng Brgy. Katipunan at Clarita Modelo ng Brgy. Napalico. (JIMMY STA. CRUZ/PGO Media Center)