Written by: Williamore Magbanua
(Mlang, North Cotabato/ July 18, 2014) ---Binuksan
na ang ATM machine ng Development Bank of the Philippines (DBP) sa lobby ng
munisipyo ng bayan ng Mlang nitong umaga nang Huwebes.
Mismong si Mlang Mayor Joselito Pinol ang
una-unang nagsagawa ng transaksiyon sa nasabing makina sa pamamagitan nang
isang simpleng programa na dinaluhan nang mga empleyado, academe at business
sectors.
Ang nasabing ATM machine ay sadyang inilagay
sa lobby ng munisipypo upang mapadali ang pagkuha sa suweldo ng mga empleyado
ng LGU.
Ito ang jauna-unahang makina na pag aari ng
isang commercial bank na ang main office ay nasa Kidapawan City.
Sa kanyang mensahe, nagpasalamat si mayor
Pinol sa pamunuan ng banko dahil sa serbisyong ipinaabot hindi lamang sa mga
empleyado kundi maging sa mga ordinaryong mamamayan ng bayan.
Ani Pinol, maseserbisyuhan din ng nasabing
makina ang libu-libong mga 4P’s beneficiaries na kailangan pang magtungo sa
Kidapawan City upang I withdraw ang kanilang buwanang alokasyon.
Samantala, ilang mga commercial banks pa ang
nagpaabot narin ng kanilang intensiyon upang magtayo din ngkahalintulad na
pasilidad sa bayan ng Mlang. DXVL NEWS
0 comments:
Mag-post ng isang Komento