(Kabacan, North Cotabato/ June 9, 2014) ---Sumampa
na ngayon sa walo ang mga nagkakasakit ng Diarrhea mula sa Purok Mesalay, Bry. Pisan,
Kabacan, Cotabato.
Ito ang ipinaabot ni MILF Medical Troops
Dadtong Inedal ng brgy. Pisan sa panayam sa kanya ng DXVL News.
Aniya, anim ang kasalukuyang nasa USM
Hospital at Polymedic Hospital kungsaan apat dito ang mga bata habang ang
dalawa naman ay nakarekober na.
Ayon kay Disease Surviellance coordinator
Honey Joy Cabellon, sa nasabing numero, tatlo ang nagpositibo sa amoeba matapos
ang ginawang pagsusuri ng Rural Health Unit (RHU) ng Kabacan sa apat na mga
biktima.
Kinilala ang mga biktima na sina Maludtem
Palulod, 23; Daniel Palolod at Eboy Lalapadsin, kapwa dalawang taong gulang at Balansagan
Sandigan, 17-anyos; at anim na buwang sanggol na hindi kinilala sa report.
Ang mga biktima ay mga residente ng Purok
Mesalay, brgy. Pisan sa nabanggit na bayan.
Sinabi ni Cabellon na nakaramdam ng
pananakit ng tiyan, pagsusuka at pagtatae ang mga biktima bago isinugod sa
ospital.
Posibleng nakainom diumano ng maruming tubig
mula sa poso ang mga biktima na naging dahilan ng pagsakit ng kanilang mga
tiyan.
Magsasagawa naman ng pagsusuri ang Sanitary Inspector ng RHU
Kabacan sa nasabing lugar upang siyasatin ang source o pinagkukunan nila ng
inuming tubig. Rhoderick Beñez
0 comments:
Mag-post ng isang Komento